Publikohen exit-pollet në Britani, konservatorët e Sunak humbje dërrmuese

Partia Laburiste është parashikuar të fitojë një nga shumicat më të mëdha në histori, me sondazhin e daljes që tregon një humbje dërrmuese për konservatorët.

Partia e udhëhequr nga Sir Keir Starmer pritet të fitojë 410 vende, një numër dukshëm më i madh se nën udhëheqjen e Jeremy Corbyn në vitin 2019.

Konservatorët e udhëhequr nga Rishi Sunak pritet të bien në 131 vende, nga 365 pesë vjet më parë kur Boris Johnson siguroi një shumicë të konsiderueshme prej 80 vendesh.

Liberal Demokratët parashikohen të fitojnë 61 vende, Reform UK 13 vende, Partia e Gjelbër 2, SNP 10 dhe Plaid Cymru 4. Kjo do t’i japë Sir Keir një shumicë prej 170 vendesh në parlament, vetëm disa vende larg rekordit të Tony Blair në vitin 1997 me 179 vende.

Rezultati ka të ngjarë të çojë në një seri humbjesh të profilit të lartë për konservatorët, me disa ministra të kabinetit që humbasin vendet e tyre, gjë që do të shënonte një rekord të ri në historinë zgjedhore britanike.

Para se të mbylleshin qendrat e votimit në orën 10 të mbrëmjes, u raportuan radhë masive në qendrat e votimit dhe tani besohet se pjesëmarrja mund të jetë një nga më të lartat në historinë e zgjedhjeve të fundit.

Udhëheqësi i fushatës kombëtare të Laburistëve, Pat McFadden, tha se transformimi i partisë nga Sir Keir Starmer ka qenë “i jashtëzakonshëm” dhe se partia tani është e përgatitur të ndryshojë Britaninë.

Kjo është fitorja e Sir Keir Starmer. Ai ndryshoi partinë e tij, ndryshoi fatet e saj në mënyrë spektakolare dhe tani ka një shumicë të madhe për të ndryshuar vendin.

LEXO GJITHASHTU:

• Britania e Madhe mban zgjedhjet parlamentare
• Britania voton qeverinë e re: Qendrat e hapura deri në orën 23:00, më pas sondazhi