Publikohen fotot e Dakos në gjykatë, i qetë duke komunikuar me të pandehurit e tjerë

Në ambientet e GJKKO-së, po zhvillohet seanca për komunikimin e masës së sigurisë për ish-kryebashkiakun Vangjush Dako dhe ish-zyrtarët e tjerë të Bashkisë së Durrësit, të arrestuar me urdhër të SPAK disa ditë më parë.

Euronews Albania ka siguruar dhe një foto nga ambientet e brendshme të gjyqit, ku Dako shihet i qetë dhe duke komunikuar me të pandehurit e tjerë.

Krahas ish-kryebashkiakut të Durrësit, përara gjykatës kanë dalë dhe biznesmeni Fiqiri Farruku, për të cilin gjithashtu është vendosur fillimisht masa “arrest me Burg”, si dhe ish-zyrtarët Adriana Buku, Adnan Tocilla dhe Meri Semini për të cilën është caktuar masa e sigurisë “Arrest në shtëpi”.

Ndërkohë 4 persona vijojnë të mbeten ende në kërkim, ku burime nga Prokuroria e Posaçme bëjnë me dije se mund të jenë larguar jashtë vendit.

Dako dhe ish-zyrtarët e tjerë akuzohen për “Shpërdorim detyre” dhe “Falsifikim dokumentesh”.

LEXONI GJITHASHTU:

• SPAK njoftim zyrtar për arrestimin e Dakos dhe ish-zyrtarëve të Bashkisë
• Pallati që çoi në pranga Dakon, banori: Familjarët janë rrugëve, gabim strukturat
• Tenderi i Currilave, si e anashkaloi Dako raportin e KLSH, dëmi ndaj buxhetit