Presidenti francez Emmanuel Macron vizitoi këtë të premte Katedralen Notre-Dame të Parisit, e cila është restauruar plotësisht pesë vjet pas zjarrit shkatërrues të vitit 2019. Shoqëruar nga bashkëshortja e tij Brigitte dhe kryepeshkopi i Parisit Laurent Ulrich, Macron inspektoi nga afër përfundimin e punimeve të Katedrales simbol të arkitekturës gotike.
Macron kishte premtuar se Notre-Dame do të hapte dyert brenda pesë viteve, një angazhim që u mbajt nga presidenti francez. Katedralja do të hapet për publikun më 7 dhjetor, duke ofruar mundësinë për të parë nga afër detajet e rinovuara si nga brenda dhe nga jashtë.
Përpjekjet për restaurimin, nisën menjëherë pas shuarjes së flakëve dhe synonin kthimin e katedrales në gjendjen e saj të mëparshme, si një vend i shenjtë dhe atraksioni turistik më i njohur në Paris.
Ceremonia zyrtare e hapjes do të kulmojë me meshën e parë katolike, duke shënuar një moment të rëndësishëm për kulturën dhe historinë e Parisit.
Më poshtë gjeni dhe fotot e publikuara nga brenda Katedrales së restauruar:
LEXONI GJITHASHTU:
- Udhëheqësit fetarë mblidhen për një ngjarje ndërfetare në Notre Dame
- Rivendoset kryqi i Notre Dame, kur rihapet katedralja simbol e Parisit
