“Punonte për familjen, stërvitej darkave”- Lot dhe trishtim për vdekjen e atletit

Ndarja nga jeta e atletit 25-vjeçar shqiptar, Denis Gjura, ka shkaktuar trishtim në botën e sportit në Patra, për shkak të miqësive që i riu shqiptar kishte krijuar.

Trajneri i tij rrëfen lidhjen e ngushtë me shqiptarin, të cilën e cilëson si një djalë të mrekullueshëm, ku paradite punonte të ndihmonte familjen, ndërkohë që pasdite i përkushtohej stërvitjes.

“Ai ishte i mrekullueshëm, ai punonte në mëngjes për të ndihmuar familjen e tij, ashtu si vëllai i tij Aurel, dhe pastaj së bashku vinin në stërvitje,” tha trajneri i tij  Giorgos Kouvaras .

I përlotur, trajneri shtoi: “Ai ishte me ne, që kur ishte fëmijë i vogël. Çfarë mund të thuash? Nuk kam fjalë…”

Denis Giura kishte fituar gjashtë medalje në kampionatin panhelen. Bronzi në 10 mijë metra në kampionatin për të rinj dhe argjendi në 5 mijë metra. Në vitin 2016 ai kishte mundur të rrëmbente medalje ari në 10,000 metra dhe bronxi në 5,000 metra.

25-vjeçari ndërroi jetë në një aksident ditën e enjte në Patra, ku automjeti me të cilin lëvizte 25-vjeçari doli nga rruga në kthesë dhe u përplas me trafikndarëset, duke rezultuar fatale për të riun.