Pushime në shtator/ Manastiri i Zvërnecit, një nga preferencat e turistëve të huaj

Ditët e fundit të shtatorit e gjejnë Vlorën të mbushur me turistë të huaj, ku një prej atraksioneve kryesore mbetet Manastiri i Zvërnecit.

Nga Italia, Holanda, Franca apo Çekia turistet shprehen se në vizitën e parë në Vlorë, manastiri i Zvërnecit duhet vizituar patjetër.

“Dje po kërkonin ndonjë vend për të vizituar dhe në disa website këshillohej manastiri i Zvërnecit. Ne erdhëm nga Vlora në këmbë, bëmë rreth 2 orë ecje. Është bukur, ia vlen. Rruga ishte e shtruar, qetësi, ecëm me pishave dhe shijuam edhe natyrën me aromën e pishave, por edhe bregun e detit”- shprehet një turist.

“Vij nga Republika Çeke, banoj në Pragë. Manastiri me pëlqeu shumë. Ambienti, natyre këtu janë të mrekullueshme…..është hera e parë që vij në Vlorë, natyra, deti, njerëzit, shumë bukur këtu”

“Do të rrimë një javë në Shqipëri, dhe kemi ardhur nga Durrësi për të parë manastirin e zvërnecit. Është shumë bukur…..sikur të kishte ca shpendë, zogj, më shumë, do të ishte më bukur.”- shprehen turistët.

Sezoni turistik edhe sipas operatoreve duket se do te shtrihet edhe ne vijim , sipas rezervimeve te deritanishme.

LEXONI GJITHASHTU: 

• Papastërtia në qytetin e Vlorës, turistët të pakënaqur
• Festa e rakisë së manit/ Boboshtica pret dhjetëra turistë, mungon muzeu i premtuar