Putin emëron Sergei Shoigu si sekretar të Këshillit të Sigurisë Kombëtare

Presidenti rus Vladimir Putin ka nënshkruar një dekret për emërimin e Sergei Shoigu si sekretar të Këshillit të Sigurisë Kombëtare të Rusisë, duke zëvendësuar Nikolai Patrushev.

Emërimi vjen pasi Putin propozoi të emërojë Andrei Belousov si ministër të mbrojtjes të vendit në vend të Shoigu, i cili ka shërbyer në këtë post për vite me rradhë. Riorganizimi vjen pasi Putini fillon mandatin e tij të pestë presidencial dhe ndërsa lufta në Ukrainë zvarritet për të tretin vit.

Ndryshimi vjen disa javë pasi Timur Ivanov, një zëvendësministër rus i mbrojtjes i ngarkuar me projektet e ndërtimit ushtarak, u burgos në pritje të një hetimi dhe gjyqi me akuzat për ryshfet.

LEXONI GJITHASHTU:

• Vladimir Putin do të zëvendësojë Sergei Shoigu si ministër i Mbrojtjes i Rusisë
• Putin reagon për stërvitjet me armët taktike bërthamore nga Rusia