Putin firmos dekretet, 4 rajonet ukrainase bëhen pronë ruse

Presidenti rus Vladimir Putin nënshkroi këtë të mërkurë katër dekrete kushtetuese për aneksimin e republikave të vetëshpallura popullore të Donjeckut, Luhanskut, Khersonit dhe Zaporizhias, duke kthyer në pronë ruse edhe centralin atomik që ndodhet në të.

Më pas, në një takim virtual me mësuesit, Putin e pranoi që situata është tragjike, por theksoi se asgjë nuk do ta ndalë atë në misionin e nisur.

“Kemi 3 milionë shtetas rusë me origjinë ukrainase. Nuk kemi bërë, nuk bëjmë dhe nuk do të bëjmë kurrë dallime mes rusëve dhe ukrainasve. Ne do të vijojmë rrugën tonë pa asnjë dyshim dhe do të spostojmë çdo gjë që do të na pengojë të ecim përpara”, tha presidenti ukrainas, Volodimir Zelenski.

Aneksimi rus i katër territoreve nuk është njohur ndërkombëtarisht. Të mërkurën, presidenti ukrainas nënshkroi një dekret që kthen në zero dekretet e firmosura nga Putin.

“Nënshkrova një dekret që i kthen në zero të gjitha dekretet e presidentit të Federatës Ruse dhe të gjitha aktet e miratuara për të implementuar aneksimin e territorit tonë nga 2014-a deri më sot. Çdo vendim i Rusisë apo çdo traktat përmes të cilit ata synojnë të zhvatin territorin tonë për ne nuk ka vlerë”, u shpreh Zelenski.

Ndërkohë, guvernatori legjitim i Luhanskut deklaroi përmes rrjeteve sociale se çlirimi i rajonit nga forcat ruse tashmë ka nisur.

LEXONI GJITHASHTU

• BE vendos sanksione të reja ndaj Rusisë, kufizohet çmimi i naftës
• Rusia paralajmëron SHBA-në për rrezikun e përplasjes së drejtpërdrejtë ushtarake
• NATO i trembet ‘testit të Poseidonit’, zhduket nëndetësja ruse nën Arktik