Presidenti rus Vladimir Putin ka deklaruar se Moska është e hapur të ndjekë bisedimet për paqen me Ukrainën në Sllovaki.

Qëndrimin e tij Putin e shprehu pas takimit të Këshillit Ekonomik Euro-aziatik në Shën Pietërburg dhe pas një bisede kokë më kokë me kryeministrin e Sllovakisë, Robert Fico në Moskë.

“Kryeministri Fico foli i pari për një zgjidhje paqësore të konfliktit në Ukrainë. Unë nuk e di se çfarë mund të thuhet kundër tij nga dikush në Evropë, por ai foli për këtë dhe po e ndjek çështjen me vëmendje”, tha Putin.

Vizita surprizë e Fico në Moskë është përballur me kritika pasi është konsideruar një goditje e rëndë ndaj unitetit të BE-së kundër pushtimit rus të Ukrainës.

Kryeministri Sllovak tha se e kishte bërë vizitën për shkak të refuzimit të Kievit për të zgjatur tranzitin e gazit rus përmes Ukrainës, pasi kontrata të përfundojë në fund të vitit.

Disa mijëra persona e kontestuan vizitën e tij. Opozita sllovake e quajti tradhti ndaj aleatëve.

LEXONI GJITHASHTU:

• Putin: Bisedimet e mundshme me Ukrainën mund të mbahen në Sllovaki
• Vuçiç takon ambasadorin rus, merr kartolinë nga Putin