Putin lajmëroi për mobilizim? Kremlini përgënjeshtron: Presidenti s’ka folur  

Kremlini zyrtar thotë se një fjalim që supozohej se ishte dhënë nga presidenti i Rusisë, Vladimir Putin, për vendosjen e ligjit ushtarak në tre rajonet e Rusisë në kufi me Ukrainën dhe ku u dha njoftimi për “një mobilizim në shkallë të plotë” ishte “i rremë”.

Zëdhënësi i Kremlinit, Dmitry Peskov, tha se fjalimi i transmetuar në disa radiostacione më 5 qershor, ku dëgjohej një zë i ngjashëm me atë të liderit rus ishte rezultat i një sulmi kibernetik nga hakerë në disa rajone të vendit.

Ai tha se tashmë kanë filluar hetimet për këtë sulm.

Deklarata e Peskovit erdhi disa orë pasi disa radiostacione në Rusi transmetuan atë që u prezantua si një deklaratë nga presidenti Putin, në të cilën u njoftua se forcat ukrainase “të armatosura deri në dhëmbë nga NATO-ja dhe me mbështetjen dhe miratimin e Uashingtonit” pushtuan zonat Kursk, Belgorod dhe Bryansk dhe se në ato zona po vendosej “ligji ushtarak”.

LEXONI GJITHASHTU:

• Putini nënshkruan ligjin, lejon zgjedhjet në rajonet e pushtuara të Ukrainës
• Serbët vizatojnë simbolin e Putinit mbi automjetin e KFOR-it amerikan në Veri