Presidenti i Rusisë, Vladimir Putin ka nënshkuar një dekret që mundëson thjeshtimin e procedurave për qytetarët e Ukrainës, të cilët duan të marrin nënshtetësi ruse.

Më parë, një procedurë e thjeshtuar zbatohej vetëm për banorët e Donetsk dhe Luhansk, të vetëshpallura si republika separatiste të pavarura, shkruan Reuters.

Që nga 25 maji, dekreti është aplikuar edhe për banorët e dy rajoneve të Ukrainës, Kherson dhe Zaporozhye, pjesë të të cilave u pushtuan gjatë pushtimit rus.

Ndërsa, autoritete ukrainase kanë dënuar dekretin e ri të nënshkruar nga presidenti Putin.

“Dekreti i lartpërmendur është një tjetër cenim i sovranitetit dhe integritetit territorial të Ukrainës, i papajtueshëm me normat dhe parimet e së drejtës ndërkombëtare”, njoftoi Ministria e Punëve të Jashtme të Ukrainës.

LEXONI GJITHASHTU

• ‘Nuk heq dorë’, ish-kancelari gjerman refuzon të ndërpresë lidhjet me Putinin
• Putin ultimatum Ukrainës: Pranoni kushtet tona, ose përgatituni për më të keqen