Putin përgëzon Donald Trump për nisjen e mandatin e dytë

Presidenti rus Vladimir Putin mirëpriti të hënën qëllimin e deklaruar të Donald Trump për të “rivendosur kontaktin me Rusinë” në një mesazh urimi pasi presidenti i ri i SHBA-së mori detyrën për herë të dytë.

Gjatë një takimi operacional me Këshillin e Sigurimit të Rusisë, Putin tha se vendi i tij vlerëson deklaratat e administratës së re amerikane në lidhje me synimin e saj për të rivendosur komunikimet e drejtpërdrejta me Rusinë dhe angazhimin e saj për të marrë të gjitha masat e nevojshme për të shmangur Luftën e Tretë Botërore.

“Ne shohim deklarata të presidentit të sapozgjedhur të SHBA-së dhe anëtarëve të ekipit të tij për dëshirën për të rivendosur kontaktet e drejtpërdrejta me Rusinë, të cilat u ndërprenë pa fajin tonë nga administrata në largim”, tha ai.

“Ne dëgjojmë gjithashtu deklaratat e tij për nevojën për të bërë gjithçka për të parandaluar një luftë të tretë botërore. Sigurisht, ne e mirëpresim këtë qëndrim dhe përgëzojmë Presidentin e zgjedhur të Shteteve të Bashkuara të Amerikës për marrjen e detyrës,” shtoi Putin.

LEXONI GJITHASHTU:

• “Kështu ndihet fitorja”, Elon Musk mban fjalimin pas betimit të presidentit Trump
• “Trump sjell epokë të re në SHBA”, Genc Pollo: Do ndalet përndjekja e politikanëve