Putin: Qëllimi ynë nuk është pushtimi i Kharkiv, çfarë synojmë me sulmet e reja

Vladimir Putin mohoi këtë të hënë që pushtimi i qytetit të Kharkiv të jetë pjesë e planit aktual të Rusisë.

Në vend të kësaj, Moska synon të krijojë një “zonë tampon” për sigurinë e vetë Rusisë, tha ai.

Duke folur gjatë një konference për shtyp nga pekini, presidenti rus theksoi se të gjitha operacionet në Ukrainë po shkojnë sipas planit.

“Për sa i përket asaj që po ndodh në drejtimin e Kharkiv. Ky është gjithashtu faji i tyre, sepse ata bombarduan dhe vazhdojnë, për fat të keq, të bombardojnë lagjet e banuara në zonat kufitare, duke përfshirë Belgorodin,” shtoi ai.

“Aty po vdesin civilë. Është e qartë. Ata qëllojnë drejtpërdrejt në qendër të qytetit, në zonat e banuara. Dhe unë e thashë publikisht se nëse kjo vazhdon, ne do të detyrohemi të krijojmë një zonë sigurie, një zonë tampon. Kjo është ajo që ne po bëjmë”- deklaroi presidenti rus.

Ukraina deklaroi se situata në rajonin e Kharkiv  është “stabilizuar” dhe sulmet e ushtrisë ruse janë zmbrapsur.

Presidenti Zelenskyy pranoi se Rusia ka përparuar deri në 10 km në zonë pas përpjekjeve të Moskës të nisura një javë më parë për zgjerimin e vijës së frontit.

LEXONI GJITHASHTU:

• Rusia pretendon se ka pushtuar qytetin kyç në Ukrainë
• Rusia dhe Kina deklaratë kundër luftës bërthamore: Nuk mund të ketë fitues