Putin shkarkon zv.ministrat e Mbrojtjes të Rusisë, emëron kushërirën e tij

Presidenti i Rusisë, Vladimir Putin raportohet se ka shkarkuar katër zëvendësministra të Mbrojtjes.

Sipas mediave të huaja që citojnë deklaratat e Kremlinit, Nikolay Pankov, Ruslan Tsalikov, Tatyana Shevtsova dhe Pavel Popov janë liruar të gjithë nga detyra e zv.ministrave.

Po ashtu, raportet sugjerojnë se kushërira e Putinit, Anna Tsivileva, tani është bërë zëvendësministre e Mbrojtjes.

Putin ka emëruar Anna Tsivileva, për të cilën mediat ruse thonë se është vajza e kushëririt të Presidentit, si zëvendësministre e Mbrojtjes.

Leonid Gornin, zëvendësministër i Financave, do të jetë zëvendësministër i parë i Mbrojtjes nën ministrin e Mbrojtjes Andrei Belousov.

Pavel Fradkov, djali i ish-kryeministrit Mikhail Fradkov, u emërua gjithashtu zëvendësministër i Mbrojtjes, së bashku me Oleg Savelyev.

LEXONI GJITHASHTU:

• Shefi i spiunazhit rus: Vizita e Putin në Kore të Veriut do sjellë rezultate të mira
• Ukraina refuzon kushtet e Putinit për armëpushim