Shefi i spiunazhit rus: Vizita e Putin në Kore të Veriut do sjellë rezultate të mira

Vizita e planifikuar e Vladimir Putin në Korenë e Veriut do të sjellë rezultate të mira, ka deklaruar shefi i spiunazhit rus Sergei Naryshkin.

Presidenti rus pritet të udhëtojë nesër në Phenian për të takuar Kim Jong-un.

Putin ka zhvilluar marrëdhënie më të ngushta me Korenë e Veriut që nga fillimi i luftës në Ukrainë.

Ai priti Kim në Rusi shtatorin e kaluar, ku besohet se ka rënë dakord për një marrëveshje që e pa Moskën të merrte armatim në këmbim të mbështetjes teknologjike për programin hapësinor të Koresë së Veriut.

Udhëtimi i Putinit në Phenian do të jetë vetëm hera e dytë që presidenti rus viziton Korenë e Veriut, vizita e fundit ishte në vitin 2000 kur Kim Jong Il ishte udhëheqësi suprem i vendit.

Naryshkin vizitoi vetë Korenë e Veriut në mars në një përpjekje për të thelluar bashkëpunimin dypalësh midis Moskës dhe Phenianit dhe për të diskutuar sigurinë rajonale.

LEXONI GJITHASHTU:

• Putin zbulon kushtet e Rusisë për armëpushim me Ukrainën
• Kushtet e Putin për paqe në Ukrainë, vjen reagimi i parë nga Kievi