Kushtet e Putin për paqe në Ukrainë, vjen reagimi i parë nga Kievi

Kushtet e paqes që Vladimir Purin i ofroi këtë të premte Ukrainës janë cilësuar një “mashtrim i plotë”,  nga një prej këshilltarëve të presidentit Volodymyr Zelenskyy.

Presidenti rus tha se vendi i tij do të ishte gati të niste bisedimet e paqes duke filluar që “nesër” nëse trupat ukrainase do të tërhiqeshin nga rajonet e Zaporizhzhia, Kherson, Donetsk dhe Luhansk dhe nëse Ukraina do të hiqte dorë nga planet e saj për t’u bashkuar me aleancën e NATO-s.

Mykhailo Podolyak tha se komentet e Putinit nuk tregonin “asnjë risi… asnjë propozim real për paqen dhe asnjë dëshirë për t’i dhënë fund luftës”.

“Kjo është e gjitha një mashtrim. Prandaj – edhe një herë – hiqni qafe iluzionet dhe mos i merrni seriozisht “propozimet e Rusisë” që janë ofenduese për sensin e shëndoshë të cilido”

Kujtojmë se presidenti ukrainas Volodymyr Zelenskyy është zotuar të çlirojë të gjitha rajonet e pushtuara nga kontrolli rus – dhe ai vetë tha se të gjitha forcat ruse duhet të largohen nga Ukraina si kusht për çdo marrëveshje paqeje.

LEXONI GJITHASHTU:

• Putin zbulon kushtet e Rusisë për armëpushim me Ukrainën
• Lufta në Ukrainë i kushton Rusisë 30 miliardë euro për dëmshpërblime klimatike