Putin takohet me presidentin kinez, diskutohet për Ukrainën

Presidenti ukrainas Volodymyr Zelenskyy shpërndau medalje për disa nga ushtarët të cilët javën e kaluar rimorën qytetin e Balakliya nga forcat ruse.

Sipas presidentit Kundërofensiva e Ukrainës vazhdon të fitojë – rreth 8,000 km katrorë janë çliruar deri më tani, me sa duket të gjitha në rajonin veri-lindor të Kharkiv.

Por fitorja nuk është pa kosto – dëmi nga konflikti është shumë i qartë. Zelenskyy thotë se gjithçka ka nevojë për restaurim.

Zyra e tij publikoi një foto  ku u tha se një sulm rus me 8 raketa goditi një sistem hidraulik në qytetin e Kryvyi Rih. Tashmë ekziston frika e përmbytjeve në zonë.

Zëdhënësi kryesor i Ministrisë së Mbrojtjes të Rusisë nga ana tjetër pretendon se trupat e Moskës  kryen “sulme masive” në rajonin lindor të Kharkiv .

Por ata synuan kryesisht  pozicionet  ushtarake. Ai tha se 150 ushtarë ukrainas u “vranë dhe u plagosën”.

Ndërkohë,  presidenti Vladimir Putin do të diskutojë luftën në Ukrainë me udhëheqësin e Kinës Xi Jinping. Homologët do të takohen në Samitin e Organizatës së Bashkëpunimit të Shangait (SCO) në Samarkand. Deri më tani, Kina ka refuzuar të sanksionojë e të kritikojë aksionin e Rusisë.

LEXONI GJITHASHTU:

• Pas gazit, Putin kërcënon Europën me një krizë të dytë