Putin thotë se lufta mund të vazhdojë derisa “ukrainasi i fundit të mbetet në këmbë”

Presidenti rus Vladimir Putin lëshoi të enjten një paralajmërim për Perëndimin dhe Ukrainën, duke thënë se lufta mund të zvarritet derisa “ukrainasi i fundit të mbetet në këmbë”.

“Sot dëgjojmë se duan të na mposhtin në fushën e betejës. Epo, çfarë mund të them? Le të provojnë”, tha Putin gjatë një takimi me krerët e fraksioneve të partisë së Dumës së Shtetit.

Putin gjithashtu ka fajësuar Perëndimin për “inkurajimin dhe justifikimin e gjenocidit kundër njerëzve në Donbas”.

“Ne nuk po refuzojmë negociatat e paqes. Por ata që refuzojnë duhet të dinë se sa më tej konflikti të vazhdojë, aq më e vështirë do të jetë për ta të negociojnë me ne,” tha Putin.

Rajoni lindor i Donbasit është bërë pika kryesore e ambicieve ushtarake të Putinit në Ukrainë, pasi trupat e tij nuk arritën të pushtojnë Kievin në fillim të këtij viti.

LEXONI GJITHASHTU: 

• Iu vranë 10 shokët, 3-vjeçarja e vetmja e mbijetuar nga sulmi në Tajlandë
• Vladimir Putin feston sot 70-vjetorin