‘Putin turpëroi Rusinë’, liderët e G7 gati për raundin e ri të sanksioneve

Në takimin virtual me liderët e G7 presidenti ukrainas Zelenski kërkoi më shumë mbështetje financiare nga vendet e pasura.

Së bashku me të ishte edhe kryeministri kanadez Justin Trudeau i cili e surprizoi Zelenskin me vizitën e tij në Kiev.

“Për aq gjatë sa lufta vijon, ne kemi nevojë nga 5 deri në 7 miliardë dollar në muaj ndihmë. Kur lufta të mbarojë, me rreth 600 miliardë dollarë do të rindërtojmë çdo gjë të shkatërruar nga Rusia, është një ndihmë e madhe për vendin tonë. Ne nuk kemi mundësi por ju po”, u shpreh Zelenski në mesazhin dërguar 7 vendeve të pasura.

Ai mbështeti edhe paketën e re të sanksioneve, e cila parashikon kufizime më të ashpra për importet dhe eksportet ruse  e po ashtu kritikoi Hungarinë e cila heziton të ndëshkojë ekonomikisht Rusinë.

Liderët  kritikuan presidentin Putin duke u shprehur se aksionet e tij në Ukrainë kanë turpëruar Rusinë.

G7 e cila bashkon shtatë kombet më të pasura mbështet raundin e ri të sanksioneve dhe është gati të ndihmojë për të fituar pavarësinë energjetike nga Rusia. Ata bënë thirrje për t’i dhënë fund bllokadës së Rusisë ndaj prodhimit dhe eksporteve të ushqimit në Ukrainë.

LEXONI GJITHASHTU:

• Do të miratojmë paketën e re të sanksioneve ndaj Rusisë, thotë Von der Leyen
• Orban kundër BE-së për sanksione të reja ndaj Rusisë