Presidenti rus Vladimir Putin ka uruar këtë të hënë homologun e tij koreano-verior, Kim Jong Un për 76-vjetorin e themelimit të vendit.
Në një mesazh urimi të publikuar nga Kremlini, Putin tha se marrëdhëniet dypalëshe midis Rusisë dhe Koresë së Veriut janë në një nivel të lartë, gjë që ai e konfirmoi gjatë bisedimeve të tyre të fundit në kryeqytetin Phenian në qershor.
Ai ka besim se, përmes përpjekjeve të përbashkëta, ata do të vazhdojnë të forcojnë partneritetin strategjik midis dy vendeve, tha presidenti rus.
“Kjo padyshim plotëson interesat themelore të popujve tanë dhe është në përputhje me sigurimin dhe stabilitetin në Gadishullin Korean dhe në rajonin e Azisë Verilindore në tërësi”, shtoi Putin.
Koreja e Veriut, e njohur zyrtarisht si Republika Popullore Demokratike e Koresë, u shpall zyrtarisht më 9 shtator 1948, me Kim II Sung si kryeministër.
Që nga viti 2022, Rusia, duke u përballur me sanksione të shumta perëndimore, ka forcuar marrëdhëniet e saj me vendet aziatike, veçanërisht Korenë e Veriut.
LEXONI GJITHASHTU:
- Putin e ftoi të marrë pjesë në BRICS, reagon për herë të parë Vuçiç
- Vulin: Vuçiç nuk e refuzoi ftesën e Putinit, do të diskutojë me të për…
