Putin viziton Azerbajxhanin, fokus zhvillimi i lidhjes dypalëshe e çështjet rajonale

Presidenti rus ,Vladimir Putin mbërriti në Baku, kryeqytetin e Azerbajxhanit, të dielën për një vizitë shtetërore dyditore.

Bisedimet e Putinit me presidentin e Azerbajxhanit, Ilham Aliyev pritet të fokusohen në gjendjen aktuale dhe perspektivat për zhvillimin e mëtejshëm të lidhjeve dypalëshe, si dhe çështje të ngutshme në axhendën ndërkombëtare dhe rajonale.

“Presidentët do të shkëmbejnë pikëpamje mbi çështjet aktuale të politikës rajonale dhe ndërkombëtare, në veçanti zgjidhjen Azerbajxhano-Armene,” tha më herët në një deklaratë shërbimi për shtyp i Kremlinit.

Pala ruse rikonfirmon gatishmërinë e saj për të vazhduar kontributin në normalizimin e marrëdhënieve midis Azerbajxhanit dhe Armenisë, tha zyra e shtypit.

“Detyrat kryesore mbeten nënshkrimi i një traktati paqeje, promovimi i procesit të përcaktimit dhe demarkacionit të kufirit Azerbajxhano-Armen, zhbllokimi i transportit, logjistikës dhe lidhjeve ekonomike në rajon në bazë të marrëveshjeve trepalëshe të arritura në niveli më i lartë në 2020-2022”, thuhet në raport.