Putin zbulon ‘shqetësimin’ e Kinës për Ukrainën

Presidenti rus, Vladimir Putin e ka pranuar “shqetësimin” e Kinës për Ukrainën, në bisedimet e tij të para ballë për ballë me Presidentin Xi Jinping që nga pushtimi rus.

Por duke folur në Uzbekistan, Putin falënderoi gjithashtu Kinën për “pozitën e saj të ekuilibruar” dhe tha se “përpjekjet e SHBA-së për të krijuar një botë unipolare” do të dështonin.

Xi tha se Kina ishte e gatshme të punonte së bashku me Rusinë si “fuqi të mëdha”.

Kina nuk e ka mbështetur pushtimin e Rusisë, por ka rritur tregtinë dhe lidhjet e tjera me Moskën që nga fillimi i tij.

Takimi i dy liderëve në prag e samitit të Organizatës së Bashkëpunimit të Shangait (SCO) në Samarkand vjen në një pikë vendimtare në luftën në Ukrainë, pasi trupat ruse humbasin terren në disa pjesë të vendit.

“Ne e vlerësojmë shumë pozicionin e ekuilibruar të miqve tanë kinezë kur bëhet fjalë për krizën në Ukrainë”, i tha Putin presidentit kinez.

Duke zbuluar se Kina kishte “pyetje dhe shqetësime” për situatën në Ukrainë, ai tha se e kuptonte.

“Gjatë takimit të sotëm, sigurisht që do të shpjegojmë qëndrimin tonë”, tha Putin.

LEXONI GJITHASHTU:

• Anija e kompanisë greke transportonte qymyr nga Rusia
• Putin vlerëson Kinën për qëndrim të balancuar për Ukrainën