“Putini gati të testojë NATO-n”, kryespiuni polak: Do pushtojë 2 shtete

Vladimir Putin mund të jetë duke planifikuar një ‘mini-pushtim’ të një vendi të NATO-s në mënyrë që të testojë vendosmërinë e Perëndimit, shprehet kreu i shërbimit të kundërzbulimit të Polonisë.

Ai pretendon se Kremlini po shqyrton aneksimin e pjesëve të Estonisë dhe Suedisë, si pjesë e një plani më të gjerë për të marrë nën kontroll shtetet baltike nëse Ukraina bie.

“Putini sigurisht që është tashmë i përgatitur për një mini-operacion kundër një prej vendeve baltike, për shembull, për të hyrë në Narva [komunën në Estoni] të famshme ose për të zbritur në një nga ishujt suedezë”, tha zyrtari për mediat polake.

Javët e fundit janë parë një numër vendesh evropiane që kanë lëshuar paralajmërime për agresionin në rritje të Putinit, ndërsa anëtarët e NATO-s kanë filluar të bëjnë përgatitjet për fazën tjetër të luftës.

Polonia ka thënë tashmë se është e gatshme të presë armë bërthamore në kufijtë e saj, ndërsa Rusia kërkon të zhvendosë pjesë të arsenalit të saj bërthamor në Bjellorusinë fqinje dhe të fortojë Kaliningrad, një enklavë ruse e vendosur midis Lituanisë dhe Polonisë.

LEXONI GJITHASHTU:

• Putin: Rusia do të punojë për formimin e një rendi botëror shumëpolar
• Putin ka risjellë në vëmendje armët bërthamore në fillimin e mandatit të pestë