‘Qatargate’, ish-eurodeputeti pranon fajin dhe bëhet dëshmitar i drejtësisë

Pier Antonio Panzeri, ish-eurodeputeti i dyshuar se ishte në epiqendrën e skandalit të korrupsionit që përfshiu Parlamentin Evropian, arriti të martën një marrëveshje me autoritetet belge sipas së cilës ai pranon pjesëmarrjen e tij kriminale në ryshfet dhe zotohet të ndajë informacione “zbuluese” që mund të ndihmojnë për të hedhur dritë mbi hetimin në zgjerim.

Panzeri ka nënshkruar një të ashtuquajtur “marrëveshje pendimi” për të thelluar bashkëpunimin e tij me autoritetet, ka njoftuar Zyra e Prokurorisë Federale belge, duke e quajtur atë një “zhvillim të rëndësishëm”.

“Kjo marrëveshje i referohet një ndërmarrjeje ku një i penduar të bëjë deklarata thelbësore, zbuluese, të vërteta dhe të plota në lidhje me përfshirjen e palëve të treta dhe, nëse është e zbatueshme, përfshirjen e tij ose të saj në lidhje me veprat penale brenda çështjes së mbuluar”, thuhet në një komunikatë për shtyp nga zyra e prokurorit.

Skandali u zbulua në dhjetor, me arrestimin e euro-deputetes greke Eva Kaili, e cila akuzohet se ka pranuar shuma të mëdha parash për të lobuar në favor të Katarit dhe Marokut në Parlamentin Evropian.

LEXONI GJITHASHTU:

• “Qarargate”, 1 muaj paraburgim për eurodeputeten greke Eva Kaili 
• Skandali i korrupsionit në PE, Eva Kaili kërkon lirinë