Qëllohet me armë në drejtim të një automjeti në Tiranë

Persona të paidentifikuar kanë qëlluar me armë zjarri në drejtim të një automjeti në Tiranë.

Policia tha se ditën e sotme është paraqitur në Komisariatin e Policisë Nr. 3, shtetasi Rudolf Zefi, 42 vjeç, i cili ka kallëzuar se në rrugën “Don Bosko”, rreth orës 06:45, një shtetas ende i paidentifikuar ka qëlluar me armë zjarri në drejtim të automjetit që drejtonte.

Nga të shtënat me armë zjarri nuk ka persona të dëmtuar.

Drejtuesi i mjetit, Rudolf Zefi është shprehur se nuk ka pasur konflikt me askënd dhe ka qenë i vetëm më makinë, ndërsa autori në këmbë. Policia ka sekuestruar kamerat e sigurisë për të bërë të mundur identifikimin e autorit.

LEXONI GJITHASHTU:

• Të shtëna me armë zjarri në Shkodër, plagoset një person
• Të shtëna me armë zjarri në shkollë ruse, e mitura plagos 3 nxënës dhe vetëvritet