Një patrullë e Policisë së Kosovës në Bistricë se Leposaviqit është goditur me armë zjarri nga një mjet në lëvizje.
Policia e Kosovës bën me dije se zjarri është hapur nga një automjet të cilin policia e Kosovës tentoi ta ndalonte.
Ngjarja ndodhi mesditën e kësaj të hëne në një pikë kontrolli të ngritur nga policia e Kosovës. Bëhet me dije se nga të shtënat u rrezikua jeta e efektivëve të policisë së Kosovës.
“Sot, më 23 janar në Bistricë të Leposaviqit, një njësi policore ka qenë e caktuar me detyrë zyrtare në pikë kontrolli, me qëllim të ruajtjes së rendit dhe sigurisë publike si dhe parandalimit të krimit e kontrabandës.
Njësia policore e cila ka qenë në pikë kontrolli, gjatë realizimit të detyrave policore ka tentuar ta ndalojë një veturë, e cila gjatë lëvizjes ka goditur automjetin e Policisë së Kosovës duke rrezikuar drejtpërdrejt edhe jetën zyrtarëve policorë, të cilët për të neutralizuar rrezikun ndaj tyre kanë shtënë me armë zjarri.
Personat e dyshuar, së bashku me mjetin e tyre janë larguar nga vendi i ngjarjes, përderisa hetimet lidhur me rastin janë duke u kryer, në bashkëpunim dhe koordinim me organet e drejtësisë.
Lidhur me rastin, Policia e Kosovës ka njoftuar edhe Inspektoratin Policor të Kosovës për procedura të mëtejme”, thuhet në njoftimin e policisë.
LEXONI GJITHASHTU