Qëlloi me kallashnikov duke kërcënuar 35-vjeçarin, vihet në pranga i riu në Fier

Një 25-vjeçar që qëlloi me armë zjarri, për të kërcënuar një 35 vjeçar me të cilin ishte konfliktuar më herët, është arrestuar.

Sipas njoftimit të policisë atij i është sekuestruar arma e zjarrit kallashnikov, për të cilën nuk ishte i pajisur me leje.

Materialet procedurale i kaluan Prokurorisë, për veprime të mëtejshme, për veprat penale “Kanosja” dhe “Mbajtja pa leje dhe prodhimi i armëve, armëve shpërthyese dhe i municionit”

“Pas marrjes së njoftimit se në fshatin Levan, Fier, disa shtetas po konfliktoheshin me njëri-tjetrin, shërbimet e Komisariatit të Policisë Fier dhe të Forcës Kombëtare të Sigurisë, Njësia Fier, kanë shkuar menjëherë në vendin e ngjarjes ku si rezultat i ndërhyrjes së shpejtë kanë bërë të mundur kapjen në flagrancë dhe arrestimin e shtetasit A. M., 25 vjeç, banues në Levan.

Ky shtetas është konfliktuar fizikisht, për motive të dobëta, me shtetasin P. O., 35 vjeç dhe me disa shtetas të tjerë. Më pas, 25-vjeçari ka marrë në banesën e tij, një armë zjarri kallashnikov me të cilën ka qëlluar për të kanosur 35-vjeçarin.

Shërbimet e Policisë kanë gjetur dhe sekuestruar në cilësinë e provës materiale armën e zjarrit kallashnikov”,-thuhet në njoftimin e policisë.

LEXONI GJITHASHTU:

• Tragjedia në Shkodër, Qafoku: Çfarëdo të ketë ndodhur, nëna s’i flijon fëmijët e saj
• Gjetja e trupave të tragjedisë në Shkodër, Mbrojtja Civile: Moment i dhimbshëm