Qëlloi me thikë 19-vjeçarin në Vlorë, arrestohet autori

Një 19-vjeçar ka mbetur i plagosur me thikë gjatë një konflikti të ndodhur mbrëmjen e djeshme në fshatin Kotë, të Vlorës.

Sipas Policisë, shtetasi I. A., u godit me mjet prerës nga 44-vjeçari me iniciale L. Xh., banues në të njëjtin fshat. I dëmtuari po merr aktualisht kujdesin e nevojshëm mjekësor në Spitalin e Traumës.

Autori i dyshuar i plagosjes, shtetasi L. Xh., është arrestuar dhe materialet janë referuar Prokurorisë për hetime të mëtejshme mbi ngjarjen.

Nga ana tjetër, Policia ka ndaluar edhe të plagosurin, pasi Gjykata e Shkallës së Parë e Juridiksionit të Përgjithshëm Vlorë i kishte caktuar më herët masën e sigurisë “Arrest në burg” për veprën penale “Vjedhja me dhunë”.