Qëlloi me thikë 68-vjeçarin që tentoi ta përdhunonte, arrestohet vajza në Shkodër

Policia e Shkodrës ka arrestuar 21-vjeçaren e cila mbrëmjen e të enjtes plagosi me thikë 68-vjeçarin Zef Paloka, i cili dyshohet se tentoi të abuzonte seksualisht me të.

Përmes një komunikate zyrtare policia bën me dije se e reja u shoqërua në komisariat, si dhe iu sekuestrua mjeti prerës me të cilin kreu plagosjen.

Sipas uniformave blu, plagosja dyshohet se ndodhi për motive të dobëta, por pa e specifikuar se çfarë ka ndodhur mes 68-vjeçarit dhe 21-vjeçares.

Materialet procedurale në ngarkim të vajzës i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

“Specialistët për Hetimin e Krimeve të Drejtorisë Vendore të Policisë Shkodër dhe ata të Komisariatit të Policisë Vau i Dejës, bënë arrestimin në flagrancë të shtetases N. N., 21 vjeçe, për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.

Mbrëmjen e djeshme, 21-vjeçarja, dyshohet se për motive të dobëta, plagosi me mjet prerës (thikë), shtetasin Z. P., 68 vjeç, i cili vijon të jetë në kujdesin e mjekëve.

Si rezultat i reagimit të menjëhershëm të Policisë, shtetasja N. N. u identifikua dhe u shoqërua menjëherë pas ngjarjes, si dhe iu sekuestrua mjeti prerës (thikë), me të cilin kreu plagosjen”, njofton policia.

LEXONI GJITHASHTU:

• Tentoi ta përdhunonte, 21-vjeçarja qëllon me thikë të moshuarin në Shkodër (Emri)
• Dorëzoi në polici armët e përvetësuara në ’97-ën, nis hetimi ndaj 65-vjeçarit