Qëlloi portierin që i dëmtoi të birin, kërkon falje babai i sulmuesit të kombëtares

Alex Shpendi, babai i sulmuesit të kombëtares shqiptare U21, Stiven Shpendi, ka kërkuar falje për gjestin e bërë në përfundim të  ndeshjes së Serisë C, mes Cesena dhe Olbias, ku u fut në fushë dhe qëlloi portierin sardinez, Filippo Rinaldi.

Zemërimi i babait të Shpendit shpërtheu pasi portieri Rinaldi i kishte goditur të birin gjatë ndeshjes, duke e detyruar të largohej nga fusha për shkak të një lëndimi në vetull.

Në një intervistë të dhënë për Rai, babai i futbollistit kërkoi ndjesë për gjestin anti-sportiv.

Ai tha se i kërkon falje gjithë Italisë dhe klubit të Cesenas për gjestin tim të tmerrshëm.

“I kërkoj falje të gjithëve, gjithë Italisë dhe klubit të Cesenas për gjestin tim të tmerrshëm. E di që kam zhgënjyer shumë njerëz dhe për këtë arsye kërkoj falje njëqind mijë herë. E pashë djalin tim në tokë të gjakosur dhe lojtarin tjetër duke e goditur. Për këtë si baba u çmenda, por absolutisht nuk godita askënd”, tha ai.

LEXONI GJITHASHTU:

• I dëmtoi djalin, babai i futbollistit të kombëtares futet në fushë, qëllon portierin
• “Do ta shihni ç’do ju bëj”| Babai i 29-vjeçarit: Hakmarrje, djali s’abuzoi me vajzën