EMRAT| Rrahën 2 vëllezër dhe qëlluan me armë zjarri në ajër, në kërkim 4 vëllezër

4 vëllezër në Krujë janë shpallur në kërkim nga policia pasi kanë qëlluar me armë zjarri pas një konfrontimi fizik me dy shtetas të tjerë.

Policia tha se ngjarja ndodhi rreth orës 19:55, në një dyqan lulesh në pronësi të shtetasve D. Gjoka dhe K. Gjoka, (vëllezër).

Këta të fundit janë konfliktuar fizikisht me sende të forta me shtetasit Roland Rryçi, Besmir Rryçi, Blenard Rryçi dhe Ahmet Rryçi, (vëllezër), të cilët gjatë konfliktit dyshohet se kanë qëlluar në ajër me armë zjarri, e më pas janë larguar.

Si pasojë (nga përdorimi i sendeve të forta) janë dëmtuar vëllezërit Gjoka.

Shërbimet e Policisë po krehin zonën me qëllim kapjen e autorëve të dyshuar.

Grupi hetimor po punon për sqarimin e rrethanave të konfliktit.

LEXONI GJITHASHTU:

• Aksident në Tiranë, humb jetën 35-vjeçari, plagosen dy të tjerë
• Plagosen dy persona pas sherrit në Tiranë, gruaja shtatzënë përfundon në spital