“Qëndrim dinjitoz”, Spahiu: Rama reagoi për imazhin e gabuar të shqiptarëve në Angli

Juristi Kreshnik Spahiu e ka konsideruar qëndrim dinjitoz fjalën e kryeministrit Edi Rama në samitin e “Procesit  të Berlinit”, ku foli për emigrantët në Britani.

Në një intervistë për Euronews Albania, Spahiu tha se Rama iu kundërvu Britanisë për imazhin e gabuar që është përhapur për shqiptarët.

“Kemi të bëjmë me një qëndrim dinjitet të kryeministrit. Ndjehem mirë që Rama pas tre mandatesh bën një deklaratë për të mbrojtur dinjitetin shqiptarëve që jetojnë jashtë kufijve.

Më vjen mirë që përtej servilizmit që është akuzuar deri më sot, merr guximin t’i kundërvihet Britanisë për një imazh të gabuar që është përhapur për shqiptarët”- theksoi ai.

Më tej ai tha se kryeministri Rama do të bënte mirë që Britanisë t’i kërkonte një procedurë për legalizimin e emigrantëve.

“Rama do bënte mirë që qeverisë britanike t’i kërkonte edhe një procedurë për legalizimin e këtyre emigrantëve. Shqiptarët në numër janë të papërfillshëm në raport me nacionalitetet e tjera  sepse jemi një komb shumë i vogël. Kush jeton dhe punon në Perëndim e kupton shumë mirë se nuk mund të jenë shqiptarët problemi qoftë me krimin apo diçka tjetër”- tha ai.

Në samitin “Procesit të Berlinit”, kryeministri Edi Rama nuk la pa përmendur akuzat e sekretares së brendshme britanike Suella Braveman, e cila duke akuzuar shqiptarët ngriti alarmin për emigrimin e tyre drejt Mbretërisë së Bashkuar.

Rama sqaroi se shqiptarët janë të integruar plotësisht në Britani të Madhe dhe se një pjesë e tyre drejtojnë biznese.

LEXONI GJITHASHTU: 

• Paratë e Berlinit, Shqipëria e fundit për tërheqjen e financimeve për investime
• Rama-zyrtares britanike: Shqiptarët s’janë kriminelë, drejtojnë biznese në Britani