Qeveria ka arkëtuar 500 milionë euro më shumë në 10-mujorin e parë të këtij viti në krahasim me të njëjtën periudhë të vitit të kaluar.

Vitin e kaluar, nga janari deri në tetor, Ministria e Financave ka raportuar 3.5 miliardë euro të ardhura, ndërsa për periudhën janar-tetor 2022, të ardhurat e arkëtuara tejkalojnë 4 miliardë eurot. 

Rritja e çmimeve është faktori kryesor, që ka ndikuar drejtpërdrejt në rritjen e arkëtimeve nga TVSH-ja. 

Ritmi i rritjes së arkëtimeve deri në shtator përgjithësisht reflektoi nivelin e rritjes së çmimeve, duke treguar se konsumi nuk ra.

Por, të dhënat e muajit tetor tregojnë se të ardhurat u rritën me 18 mln euro, ose 4.5 për qind në krahasim me tetorin e vitit të kaluar, në një kohë që inflacioni në tetor ishte 8.3 për qind.

Shifrat sugjerojnë në këtë rast, se në tetor shqiptarët kanë ulur konsumin si reflektim i rritjes së çmimeve.

LEXONI GJITHASHTU

• Këlliçi akuza Veliajt nga Kuvendi: Rriti 10 herë taksën e ndërtimit
• Taksa e energjisë, Ibrahimaj: S’është taksë komuniste, po vendoset edhe nga BE-ja
• Biden kërcënon kompanitë: Taksë nëse s’përdorni fitimet për të ndihmuar konsumatorët