Qeveria britanike refuzon kufizimet për shitjen e armëve në Izrael

14 Tetor 2024 | 19:48

Qeveria britanike ka refuzuar thirrjet për vendosjen e kufizimeve shtesë në shitjen e armëve në Izrael, përfshirë pezullimin e furnizimit të pjesëve për avionët luftarakë F-35, të cilët përdoren nga ushtria izraelite.

Ky vendim erdhi pas një seance parlamentare, ku ligjvënësi i pavarur, Shockat Adam, ngriti shqetësimin për përdorimin e këtyre armëve ndaj civilëve në Gaza dhe Liban.

Adam e akuzoi qeverinë për ndihmë në kryerjen e krimeve të luftës, duke përmendur skenat e tmerrshme që janë parë, përfshirë vrasjen e foshnjave dhe fëmijëve.

Ai kërkoi që Mbretëria e Bashkuar të respektojë konventat ndërkombëtare dhe të ndalojë furnizimet për F-35.

Në përgjigje, Sekretari i Shtetit për Mbrojtjen, John Healey, tha se qeveria ka vendosur tashmë të pezullojë disa shitje të armëve në Izrael, pas një rishikimi të situatës.

Ai theksoi se ka pasur një pezullim të pjesshëm të eksportit të armëve që nga fillimi i muajit të kaluar, duke përmendur rreziqet e mundshme të shkeljeve të të drejtave ndërkombëtare humanitare.

Healey gjithashtu bëri thirrje për një armëpushim të menjëhershëm në Gaza dhe për një zgjidhje politike që do të sigurojë paqen dhe një zgjidhje dy-shtetesh.

Në fillim të këtij muaji, qeveria britanike njoftoi se ka pezulluar 30 nga 350 licencat e saj të eksportit të armëve për Izraelin, duke përfshirë komponentët për avionët ushtarakë, helikopterët dhe dronët, por duke përjashtuar ato që lidhen me programin e F-35.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Një sagë familjare e mbushur me intriga dhe vrasje: Pse Kim Jong-un nuk flet kurrë për nënën e tij “japoneze”

Spektri i nënës e ndjek Kim Jong-un. Marshalli-President i Koresë së Veriut është paraqitur para popullit të tij si një baba shembullor, duke ekspozuar bashkëshorten...
22:36 | 29/06/2026

Ministri izraelit i Mbrojtjes: Trump lidhi konfliktet e Iranit dhe Libanit pavarësisht kundërshtimit tonë

Ministri i mbrojtjes i Izraelit tha të hënën se presidenti i SHBA-së, Donald Trump këmbënguli në lidhjen e luftërave në Liban dhe Iran gjatë bisedimeve...
22:28 | 29/06/2026

Irani i përgjigjet Macron: Franca të mos provokojë situatën në Hormuz, çminimin e bëjmë vetë

“Çminimi i Ngushticës së Hormuzit është një operacion që do të kryhet ekskluzivisht nga Irani, në përputhje me Memorandumin e Mirëkuptimit (MoU) midis Teheranit dhe...
22:20 | 29/06/2026