Kryeministri holandez Dick Schoof ka deklaruar se koalicioni qeverisës ka shmangur kolapsin pas dorëheqjes së ministres së Financave.
Nora Achahbar, me origjinë marokene, dha dorëheqjen ditën e premte. Ajo citoi si motiv komentet raciste të disa ministrave që po diskutonin për përleshjet mes tifozëve izraelitë dhe mbështetësve të Palestinës në Amsterdam.
Achahbar fajësoi gjuhën e polarizuar për pamundësinë e saj për të vijuar detyrën. Pas largimit të saj, kryeministri Schoof tha se katër partitë e koalicionit ranë megjithatë dakord për vijimin e punës.
Dhuna shpërtheu në Amsterdam gjatë ndeshjes së futbollit mes klubeve Ajax dhe Maccabi Tel Aviv.
Një numër i konsiderueshëm tifozësh të Maccabi-t bërtisnin parulla anti-arabe dhe shkulën flamurin palestinez nga një ndërtesë.
Më pas, disa pro-palestinezë kryen sulme ndaj tifozëve izraelitë dhe personave të tjerë që mendonin se ishin hebrenj.
LEXONI GJITHASHTU:
- Eco ‘takohet‘ me Kunderën, prezantohen në panairin e 27 veprat e fundit të autorëve
- “Anglia do pushtonte Holandën”, Johnson: Do merrnim 5 mln vaksina anti-COVID
