Qeveria dhe Bashkia e Durrësit pritet që të nisin punën për ndërtimin e një shëtitoreje buzë detit nga Ura e Dajlanit deri tek Kavalishenca.

Projekti do të ketë një gjatësi prej rreth 3 km dhe parashikohet që me ndërhyrjen të ketë zgjerim të brezit të rërës.

Kryeministri, Edi Rama dhe kryebashkiakia, Emiriana Sako gjatë njohjes me plan projektin u shprehën se punimet pritet të nisin pas përfundimit të sezonit turistik.

Përfundimi i punimeve parashikohet të realizohet para nisjes së sezonit turistik të vitit 2023.

“Projekti duhet të mbarojë dhe të përgatitet që puna të fillojë në vjeshtë, pas mbarimit të sezonit veror”, tha Rama.

Projektuesit e Lungomares në Plazhin e Durrësit u shprehen se projekti do të ketë ndikim të lartë ekonomik.

Deri tani ende nuk ka një përllogaritjes se sa do të jetë fondi për këtë projekt.