Qeveria ‘Rama 3’ merr vendimet e para pas betimit në Presidencë

Në mbledhjen e parë të qeverisë “Rama 3”, mbajtur sot pas betimit në Presidencë, janë miratuar 16 vendime.

Në vendimet e para (kliko këtu) qeveria i ka kushtuar një akt më vetë bashkëqeverisjes, për të cilën do të ketë një ligj të posaçëm.

Po ashtu janë miratuar vendime për Kodin Etik të ministrave, për statusin e fëmijëve në përkujdesje, një seri ratifikimesh të marrëveshjeve ndërkombëtare dhe ngritja e një Agjencie Shtetërore për Media dhe Informim.

Në mesin e vendimeve të para të qeverisë së re ishte edhe përfshirja në strukturat e Forcave të Armatosura të xhudisteve që medalje ari në Tokio 2020, Distria Krasniqi dhe Nora Gjakova.

Rama tha gjatë mbledhjes së do të krijohet një strukturë e veçantë në Forcat e Armatosura për të gjithë sportistët me rezultate të larta.

Në këtë mbledhje, u miratua edhe ngritja e pikave të përbashkëta të kalimit kufitar mes Shqipërisë dhe Maqedonisë së Veriut.

LEXONI GJITHASHTU:

• Rama mbledh qeverinë dhe u kërkon ministrave zbatimin e kodit etik: Nuk ka udhëtime luksi e dhurata
• SHBA, BE dhe OSBE mesazh urimi pas betimit të qeverisë ‘Rama 3’