Qeveria rriti çmimin e referencave/ Hebovija: Vendimi u mor pa u konsultuar me ne

Rritja e çmimit të referencës për banesat ishte tema e diskutimit në emisionin “Review” këtë të shtunë në Euronews Albania.

Ilir Hebovija nga Shoqata e ndërtuesve, tha se me rritjen e çmimit të referencave do të dyfishohen taksimet për qytetarët.

Ai tha se rritja e çmimeve u bë pa u konsultuar me palët e interesuara dhe nuk janë marrë parasysh shumë faktor që do duhej të diskutoheshin më herët.

“Nuk është një lëvizje matematikore e thjeshtë por është reflektim I menjëhershëm i taksave që do të paguhen në bashkinë e Tiranës për metër katror. Sipas llogaritjeve tona shkon nga 150- deri në 300 euro metri katror. Duhet të kemi parasysh se përveç kostos reale të parë sipas anekseve të VKM-së, ka edhe një kosto të fshehtë që ka të bëjë me pagesën që I bëjmë ndërtuesit për pronarët e truallit, rritet, dyfishohet menjëherë çdolloj takes, pasi paguhet gjithë pjesa që I takon pronarëve të truallit”,-tha Ilir Hebovija.

Ai shtoi se kjo rritje çmimesh ishte e pamotivuar pasi ajo u bë në një muaj kur nuk ka mundësi të ketë reagime siç është korriku.

“Ky një muaj e gjysmë ishte i pamundur për të bërë reagimin tonë për t’u treguar njerëzve se ka një ndryshim shumë të madh në atë që ata do të konsumojnë në tregun e banesave.

Ne u thirrëm në qershor në Ministrinë e Financave, në një takim prezantues për ndryshimin e çmimeve të referencave, nuk kishim asnjë material me vete, ishte thjesht prezantim i parë për të parë se ç’do ndodhi, u premtua se do kishte shumë takime për të arritur në konkluzionet e duhura, por marrim vesh se në Korrik, rritja e çmimeve u bë fakt i kryer. Të gjithë do i ndiejnë pasojat e rritjes së çmimeve”,-tha Ilir Hebovija.

LEXONI GJITHASHTU:

• Money| Nafta e Shpiragut u shit në vitin 2021, zbardhen dokumentet
• Ndahet nga jeta gazaterja e njohur shqiptare