Qeveria siriane dhe udhëheqësit e pakicës druzi shpallin armëpushim të ri

Zyrtarë të Qeverisë siriane dhe udhëheqës të pakicës fetare druzi shpallën të mërkurën një armëpushim të ri pas luftimeve disaditore që kanë kërcënuar ta prishin rrjedhën e ndryshimit politik pas luftës civile në vend dhe kanë nxitur ndërhyrjen e Izraelit, fqinjit të fuqishëm të Sirisë.

Nuk është ende e qartë nëse marrëveshja e re – e shpallur nga Ministria e Brendshme e Sirisë dhe nga një udhëheqës fetar druzi përmes një video-mesazhi – do të zbatohet.

Një armëpushim i mëparshëm i shpallur një ditë më parë dështoi shumë shpejt.

Një udhëheqës i shquar druz, sheiku Hikmat Al-Hijri, u distancua nga marrëveshja e re që ishte arritur nga zyrtarë të tjerë druzë.

Njoftimi erdhi pasi Izraeli kreu një sërë sulmesh ajrore të rralla në zemër të Damaskut, si pjesë e një fushate që, sipas tij, synon ta mbrojë pakicën druzi dhe t’i largojë militantët islamikë nga kufiri i tij.

LEXONI GJITHASHTU:

• Ministri izraelit i Mbrojtjes niset drejt Uashingtonit për bisedime me SHBA-në
• Tragjedi në qendrën e ndihmave në Gaza: Të paktën 20 palestinezë të vdekur