Qeverisi për 40 vite, Kryeministri i Kamboxhias i lë postin djalit të tij

Udhëheqësi më jetëgjatë në botë, kështu cilësohet lideri i Kamboxhias, Hun Sen, i cili pas katër dekadash në pushtet, lë karrigen e kryeministrit për t’ia lënë djalit të tij, Hun Manet.

Lideri 70 vjeçar i shtetit aziatik, në pushtet që nga viti 1985, kishte njoftuar për një tranzicion në qeverinë e tij që në vitin 2021. Askush nuk e dinte se kur do të ndodhte kjo gjë, por që do të ishte pikërisht djali i tij i cili do ta zëvendësonte, nuk ishte një surprizë për popullin kamboxhian.

Hun Manet, 45 vjeç, ka qenë prej kohësh duke u përgatitur për këtë rol. Deri vonë ai mbulonte postin e komandantit të ushtrisë Mbretërore Kamboxhiane.

Analistët shprehen se kalimi i ekzekutivit të Hun Senit është, në fakt, një zgjatje e kontrollit përfundimtar të pushtetit nga ana e kryeministrit.

Pas tërheqjes nga detyra, e cila Hun Sen e ka njoftuar teksa u pa në një vizitë në pallatin e monarkut kamboxhian, ai do të vazhdoj të vazhdoj detyrën e kryetarit të Partisë Popullore Kamboxhiane. Partia në pushtet u rikonfrimua në zgjedhjet e së dielës, të cilat u panë gjerësisht si jo konkurruese.

Partia opozitare e vetme u skualifikua nga gara elektorale për shkak të një teknike të gabuar regjistrimi, argument i cili cilësohet nga opinioni si një tjetër shembull të rrafshimit të pjesëmarrjes demokratike në vend nga ana e kryeministrit.

17 parti të tjera ishin të listuara në flet-votim në zgjedhjet e 23 korrikut, por ato ishin shumë të vogla, të reja ose të lidhura me partinë në pushtet, duke u përjashtuar si opsione alternative jo reale për votuesit.

LEXONI GJITHASHTU: 

• Greqia vazhdon “luftën me zjarrin”, Rodosit ende në flakë, gjendje kritike në Kretë
• Rama shkarkon nga detyra ministren e Financave dhe Ekonomisë, Delina Ibrahimaj