Qindra fluturime anulohen në Gjermani për shkak të grevës në 4 aeroporte

Stafi në katër aeroporte gjermane – Dusseldorf, Këln/Bon, Shtutgart dhe Baden-Baden janë sot në grevë duke kërkuar paga më të larta dhe kushte më të mira pune dhe qindra fluturime janë anuluar.

Sindikata gjermane “Verdi” ka bërë thirrje për një grevë të stafit të katër aeroporteve për pagat dhe kushtet e punës, raporton Reuters.

Aeroporti i Këlnit/Bonnit njoftoi se sot janë anuluar 144 fluturime.

Aeroporti i Dusseldorfit njoftoi në fillim të kësaj jave se po funksiononte me një orar të reduktuar ndjeshëm të fluturimeve dhe kishte planifikuar fillimisht 368 ngritje dhe ulje për sot.

Aeroportet në Berlin, Bremen dhe Hamburg anuluan të gjitha fluturimet komerciale në fillim të kësaj jave për shkak të një greve pasi punëtorët kërkojnë paga më të larta për shkak të inflacionit të lartë.

LEXONI GJITHASHTU:

• Kurti takim me të dërguarin e Gjermanisë për Ballkanin, zbardhet biseda
• Greva paralizon aeroportet në Gjermani, punonjësit kërkojnë rritje page