Qindra të arrestuar në operacionin francez kundër drogës

Policia franceze arrestoi më shumë se 190 persona sot në qytete si pjesë e një goditjeje të gjerë kundër drogës. Presidenti Macron i përshkroi bastisjet si “të paprecedentë”.

Më shumë se 190 persona u arrestuan sot si pjesë e një operacioni të gjerë anti-drogë të koordinuar nga policia franceze. Sipas policisë u sekuestruan rreth 25 kilogramë kanabis dhe mbi një kilogram kokainë.

Ministri i Brendshëm Gérald Darmanin tha se oficerët kontrolluan rezidenca, rrugë dhe autostrada në qytetet veriore të Lille, Villeneuve-d’Ascq dhe Roubaix. Autoritetet do të vazhdojnë bastisjet “për të goditur shumë fort”, tha ai.

Darmanin tha se 15,000 policë, xhandarë dhe zyrtarë doganorë mobilizoheshin çdo javë për punën. Mbi 20 kilogramë drogë të paspecifikuar, 385 mijë euro dhe katër armë janë sekuestruar gjatë tre ditëve të para të operacionit.

LEXONI Gjithashtu:

• Droga në shkolla, zëdhënësi i policisë: Ambienti brenda është i sigurt
• Drogat e forta në Korçë, rritet numri i përdoruesve të heroinës e kokainës