Qindra të arrestuar pas përleshjeve në stadium, anulohet përballja ‘El Clasico’

Futbolli në tokën latine mbetet një mision i vështirë, sidomos kur në fushë hyjnë mijëra tifozë. Diçka e tillë është regjistruar në nisje të sfidës Atletico Nacional-America de Cali, ku qindra sportdashës u përleshën me policinë, ndërsa një pjesë e tyre ranë në pranga.

Situata prej ditësh në Superligën kolumbiane ka qenë e tensionuar, ku tifozët në rrjetet sociale kërcënonin njëri-tjetrin, ndërsa me hyrjen në stadium shfaqën dhe qindra mjete piroteknike.

Në pamjet e publikuara në mediat e ndryshme, duken përplasjet e dhunshme mes tifozëve dhe më pas ndërhyrja e policisë, me këta të fundit të cilët u njoftuan nga zyrtarët e takimit. Sipas tyre, për shkak të tensionit skuadrat nuk do të dilnin në fushë.

Sipas presidentit të Atletikos, Mauricio Navarro, tifozët kishin kërkuar një shumë të madhe parash në mënyrë që të shmangnin përleshjet, ndërsa pagesa nuk u krye, shkaktoi këtë situatë. Atletico–America de Cali njihet si El klasikoja e Kolumbisë, ndërsa skuadrat renditen në vendin e katërt dhe të tetë në tabelë.

LEXONI GJITHASHTU:

• Gjuetari vret me armë zjarri një person, e ngatërroi me një lepur
• Tritol Ndrecës në Vaun e Dejës, Benet Beci: Në garë vihet me oferta, jo me luftë
• Liberalizimi i vizave, Osmani: Fitore për demokracinë dhe unitetin europian