Liberalizimi i vizave, Osmani: Fitore për demokracinë dhe unitetin europian

Presidentja Vjosa Osmani ka thënë se vendimi i sotëm final për liberalizimin e vizave për qytetarët e Kosovës është fitore, jo vetëm për Kosovën, por për vetë demokracinë dhe unitetin në Europë.

Ajo ka thënë se ky vendim është meritë e popullit të Kosovës, vendosmërisë së pashembullt të treguar përgjatë viteve, pavarësisht vonesave dhe padrejtësive të ndryshme.

“Më 1 janar 2024, qytetarët tanë më në fund do të ndihen të barabartë me popujt tjerë evropian, për të lëvizur lirshëm në kontinentin që ata i përkasin, e për të cilin kanë kontribuar ndër shekuj. Tanimë, lëvizja në shtetet evropiane është më e lehtë, familjet tona janë më afër dhe mundësitë për avancim e bashkëpunim më të mëdha”, ka shkruar Osmani në Facebook.

LEXONI GJITHASHTU:

• Parlamenti Europian miraton vendimin për liberalizimin e vizave për Kosovën
• A do shkarkohet Osmani? Media: Kreu i Inteligjencës shantazh Kushtetueses