A do shkarkohet Osmani? Media: Kreu i Inteligjencës shantazh Kushtetueses

Mediat në Kosovë raportuan një lajm sipas të cilit “shefi i inteligjencës i ka bërë presion Gjykatës Kushtetuese me qëllim që vendimmarrja e tyre e pritshme të mos çojë në shkarkimin e presidentes Vjosa Osmani.

Menjëherë ka reaguar Agjencia e Kosovës për Inteligjencë dhe Gjykata Kushtetuese e Kosovës, te cilat mohojnë se ka pasur shantazh po nuk hedhin poshtë një takim të mundshëm të kreut të inteligjencës dhe kryetares se Gjykatës Kushtetuese.

Në reagimin e saj Agjencia e Kosovës për Inteligjencë i cilëson të pavërteta pretendimet e artikullit të publikuar në paparaci.com, me titullin “Shefi i AKI-së denoncohet për shantazh të gjyqtarëve kushtetues”.

Sipas reagimit, Agjencia e Kosovës për Inteligjencë  në bazë të detyrave të përshkruara me ligj, bashkëpunon me të gjitha institucionet në Republikën e Kosovës, përfshirë edhe Gjykatën Kushtetuese.

“Pretendimet e shkrimit në fjalë, provojnë që të mashtrojnë opinionin publik dhe njëkohësisht të dëmtojnë kredibilitetin e AKI-së”.

Edhe Gjykata Kushtetuese e Kosovës ka reaguar ndaj lajmit duke theksuar se është plotësisht e pavarur në ushtrimin e funksioneve të saj, ndërsa thekson se në kuadër të kompetencave kushtetuese dhe atyre të përcaktuara në ligjet e aplikueshme, ka bashkëpunim me të gjitha institucionet e Republikës së Kosovës.

LEXONI GJITHASHTU:

• Osmani pret sot Abazoviçin, kryeministri malazez e mbyll vizitën në Pejë
• Presidentja Osmani në takim me zv.kryeministrin italian Tajani, ja çfarë diskutuan