Aktivisti Arlind Qori deklaroi se protesta e sotme zhvillohet për disa arsye, ku ndër më kryesoret janë kriza ekonomike, rritja e çmimeve dhe varfërimi i pjesës më të madhe të shoqërisë.
Për emisionin “Sot” në “Euronews Albania”, Qori u shpreh se shoqëria shqiptare ndodhet në një krizë të thellë edhe për shkak të keqqeverisjes.
“Protesta zhvillohet për disa arsye. Arsyeja bazike është kriza ekonomike, rritja e çmimeve dhe varfërimi i pjesës më të madhe të shoqërisë. Ne po jetojmë një krizë të thellë sepse njëkohësisht edhe keqqeverisemi. Ne protestojmë për t’iu kundërvënë këtij sistemi të kribur, të kalbur dhe për të kërkuar ndryshime rrënjësore. Nuk vazhdohet më kështu”, tha ai.
Qori shtoi se protestuesit janë të riogranizuar, në mënyrë që kjo valë e dytë e protestave të jetë më masive, më e fortë dhe më e suksseshme.
Sipas tij, situata ekonomike e vendit është më keq se në muajin mars, kur dhe u zhvilluan protestat e fundit.
LEXONI GJITHASHTU
- Protesta kundër rritjes së çmimeve, qytetarë të paktë në sheshin “Skënderbej”
- ‘S’mban më ujë pilafi’, protestë para Kryeministrisë kundër rritjes së çmimeve
- Rama prezanton paketën e ndihmës sociale për rritjen e çmimeve
