Qyteti i Vlorës pa ujë, sa pritet të zgjasë ndërprerja

26 Maj 2025 | 10:06

Qyteti bregdetar i Vlorës do të përballet me ndërprerje të furnizimit me ujë të pijshëm për një periudhë 24-orëshe, për shkak të punimeve që po kryhen në kuadër të projektit të ujësjellësit të ri të qytetit.

Sipas njoftimit zyrtar të shpërndarë nga Ujësjellës Kanalizime Rajoni Vlorë, ndërprerja do të nisë ditën e martë, më 27 maj, në orën 09:00 të mëngjesit, dhe do të zgjasë deri në mëngjesin e së mërkurës, 28 maj. Gjatë kësaj periudhe, do të stakohen tërësisht stacionet e pompimit të ujit.

Autoriteti lokal u kërkon qytetarëve mirëkuptim, duke theksuar se “ndërhyrja është e domosdoshme dhe pjesë e një projekti madhor që synon përmirësimin e furnizimit me ujë për të gjithë zonën urbane dhe periferike të Vlorës”.

“Ky kufizim është një hap i nevojshëm drejt një infrastrukture moderne dhe të qëndrueshme ujësjellësi”, thuhet në njoftimin e shpërndarë në rrjetet sociale nga UK Vlorë.

Banorët këshillohen të marrin masat e nevojshme për furnizimin me ujë gjatë kësaj periudhe ndërprerjeje.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Rama pret në Kryeministri François Hollande, i akordon Medaljen e Artë të Mirënjohjes Publike

Kryeministri Edi Rama këtë të premte ka zhvilluar një takim me ish-presidentin francez, François Hollande. Rama priti Hollande në Kryeministri teksa ka ndarë pamje dhe...
12:41 | 26/06/2026

Helmimi i studentëve në Akademinë e Sigurisë, policia merr në pyetje administratore e Sori-Al

Komisariati nr. 1 në Tiranë ka marrë në pyetje administratoren e kompanisë “Sori-Al”, në kuadër të hetimeve që po zhvillohen pas dyshimeve për helmimin e...
12:25 | 26/06/2026

Alarmi i EUROPOL, grupet kriminale shqiptare të lidhur me kartelin “Los Lobos”

Një dokument i Europol ka hedhur dritë mbi mënyrën se si karteli famëkeq i Ekuadorit, “Los Lobos”, ndërtoi një rrjet ndërkombëtar trafiku droge me shtrirje...
12:01 | 26/06/2026