RAI i bën thirrje Italisë të tërhiqet nga Eurovision 2026 nëse Izraeli merr pjesë

Italia duhet të tërhiqet nga Festivali i Këngës Eurovision i vitit të ardhshëm nëse Izraeli merr pjesë, thanë sot tre anëtarë të bordit të transmetuesit shtetëror italian RAI, duke bërë thirrje për një “gjest konkret dhembshurie për popullsinë e nënshtruar shfarosjes” në Gaza.

Alessandro di Maio, Davide Di Pietro dhe Roberto Natale, tre nga shtatë drejtorët e RAI-t, thanë se Italia duhet të ndjekë shembullin e Irlandës, Holandës, Spanjës, Sllovenisë dhe Islandës dhe të njoftojë se nuk do të marrë pjesë nëse Izraeli merr pjesë, për shkak të gjenocidit të supozuar në Rripin e Gazës, raporton Ansa.

“Edhe RAI duhet ta rishqyrtojë valën e solidaritetit për Palestinën që përfshiu Italinë dje, nxori qindra mijëra njerëz në rrugë dhe gjeti mbështetje midis shumë punonjësve të shërbimit publik”, thanë ata.

Sipas tyre, transmetuesit publikë të pesë vendeve kanë vendosur në javët e kaluara se nuk do të marrin pjesë nëse Izraeli është i pranishëm në konkurs.

“Ne kërkojmë që Italia të bëjë të njëjtën gjë”, thanë ata.

LEXONI GJITHASHTU:

• Tre avionë rusë hynë në Estoni, forcat ajrore italiane i zmbrapsën
• Tirana beson te dyshja italiane, Bordin dhe Veronese marrin drejtimin e bardhebluve