Raketa e Koresë së Veriut alarmon Japoninë, lëshohet urdhri për evakuim

Lëshimi i një rakete nga Koreja e Veriut shkaktoi konfuzion në Japoninë veriore këtë të enjte. Autoritetet japoneze lëshuan një urdhër evakuimi për qytetin e Hokkaidos, por pas 30 minutave e anuluan atë.

Sirenat e sulmit u ndezën në Hokkaido dhe banorëve iu komunikua të “evakuoheshin menjëherë”, duke ngjallur panik dhe frikë.

Autoritetet më pas deklaruan se raketa nuk u ul pranë ishullit duke tërhequr alarmin e dhënë.

Tensionet janë rritur në rajon, pasi Koreja e Veriut ka lëshuar tashmë 27 raketa këtë vit.

Raketat besohet të jenë me rreze të mesme ose më të gjatë, por detajet se çfarë arme u testua mëngjesin e së enjtes nuk janë bërë ende publike.

Japonia, Koreja e Jugut dhe SHBA e kanë dënuar testin. Kryeministri japonez Fumio Kishida deklaroi se qeveria e tij do të mbledh Këshillin e Sigurisë pas situatës në rajon.

Ndërkohë, rojet bregdetare japoneze thanë se raketa ra në ujërat në lindje të Koresë së Veriut. Ministri japonez i Mbrojtjes Yasukazu Hamada tha se nuk mund të konfirmonte nëse raketa fluturoi mbi zonën ekskluzive ekonomike të Japonisë.

Ky lëshim i fundit erdhi disa ditë pasi udhëheqësi i Koresë së Veriut Kim Jong Un urdhëroi ushtrinë e tij të adoptonte një mënyrë “më praktike” në parandalimin e luftës, siç raportohet nga agjencia shtetërore e medias KCNA.

LEXO GJITHASHTU:

• Koreja e Veriut kryen një testim të ri të raketave
• Koreja e Veriut teston dronin bërthamor nënujor