Kryeministri Edi Rama foli në Asamblenë e OKB-së për Ballkanin e Hapur, ku tha se kjo nismë do të forcojë bashkëpunimin në rajon.

Rama theksoi se “Ballkani i Hapur”, është një nismë që do të ndihmojë Kosovën dhe Serbinë në procesin e dialogut.

“Në rajonin e Ballkanit Perëndimor bashkëpunojmë së bashku me një sipërmarrje të përbashkët me interesat tona specifike, kjo na bëri bashkë me RMV në dhe Serbinë për të krijuar një platformë të hapur edhe për vendet e tjera të Ballkanit por edhe më tej. Mesazhi i Ballkanit të Hapur është që nuk është e nevojshme të biesh dakord për gjithçka për të lënë pas të shkuarën e errët e për të parë drejt së ardhmes. Duke forcuar marrëdhëniet me Serbinë për të nxitur bashkëpunimin dypalësh, Shqipëria nuk do të lëvizë në njohjen e Kosovës. Është Koha që Serbia dhe Kosova të punojnë për një marrëveshje të mbështetur nga BE-ja dhe SHBA-ja. Dialogu është mënyra e vetme dhe jam i bindur se Ballkani i Hapur do e ndihmojë këtë proces”, u shpreh Rama.

LEXONI GJITHASHTU:

• Rama në OKB: Serbia të njoh Kosovën, koha që të zhbllokohet ngërçi
• Rama në OKB: Dokumenti i Dick Marty dështim ndërkombëtar, pranoni kërkesën tonë
• Rama në OKB: Mobilizimi i pjesshëm nga Moska do turpërojë më shumë Rusinë