Rama: Borxhi publik s’është jashtë kontrollit, së shpejti marrim financime

Kryeministri Edi Rama deklaroi sot nga foltorja e Kuvendit se borxhi publik nuk është jashtë kontrollit dhe se shumë shpejt Shqipëria do të më marrë financime.

“Nëse borxhi publik do të ishte jashtë kontrollit, në tregjet e kapitaleve, nuk do të marrim dot financim, likuiditet. Kjo do të ndodhë shumë shpejt dhe do ta shikoni shumë shpejt që Shqipëria do të marrë financimin që do të kërkojë, por siç thotë FMN në tregjet e kapitaleve, Shqipëria sot është një treg pa risk”, u shpreh kryeministri.

Ai theksoi se ekziston kriza energjetike dhe pse tek konsumatorët nuk ka rritje të çmimit.

“Ka krizë dhe ka një krizë të tillë dhe do ta shikoni në ditët në vijim, jo vetëm çmimi i energjisë është rritur, por është mungesa e ofertës në raport me kërkesën. Që do të thotë që të jesh i gatshëm ta paguash më shumë por nuk e gjen sasinë e energjisë që të duhet”, nënvizoi kreu i qeverisë.

LEXONI GJITHASHTU:

• Rama-Bashës: Mos imito atë të ‘Foltores’, origjinali është gjithmonë më i besueshëm se kopja
• Minutazhi për deputetët në Kuvend përplas maxhorancën dhe opozitën